Bojaxhiu: Nuk mund të ketë kurrë demokraci Shqipëria, nëse partitë kryesore nuk kanë demokraci të brendshme

Shkalla e demokracisë brenda Partisë Demokratike ka sjellë debate në studion e ‘Ilva Now’.

Aktivisti Gjergj Bojaxhi tha se nuk mund të ketë demokraci Shqipëria nëse dy partitë e mëdha nuk kanë demokraci të brendshme.

“E vetmja mënyrë që të dalësh nga korniza e këtij kryeministri është të sjellësh një model ndryshe nga ai. Keni 8 vjet që ju mund i njëjti person një person. Vetëm një model i ri përmes reformimit dhe demokracisë reale mund ta shpëtojnë PD. Por PD e bën modelin me gjasme”, tha z. Bojaxhi.

Sipas Afrim Krasniqit, ajo që e ndëshkoi PD në zgjedhjet e 25 prillit ishte vetëbesimi i tepruar se 8 vitet në pushtet do të sillnin fundin e kryeministrit. Sipas tij, gabimi tek PD është i dyfishtë, pasi ka pasur mundësitë për t’u reformuar, por nuk diti të shfrytëzojë siç duhet pakënaqësinë e madhe në masë të popullit dhe lodhjen nga pushteti. Mungesa e transparencës brenda PD sipas z. Krasniqi, është më se e dukshëm edhe po të krahasohet me PS.

“PS bën mbledhje një herë në 3 muaj edhe pse e bën për show, në PD nuk bëhet asnjë mbledhje. PD e nisi fushatën me vonesë, duke mos e dëgjuar zërin e njerëzve që ishin të pakënaqur nga pushteti 8-vjeçar.

Për nënkryetarin e PD, Edmond Spaho, ajo që duhet t’i shqetësojë njerëzit është fati i demokracisë në vend dhe jo demokracia brenda PD. Në moralin e politikës, për z. Spaho nëse zgjedhjet janë të rregullta mund të ndiqet standardi i dorëheqjes, gjë që sipas tij nuk vlen në këtë rast dhe nuk bëhet fjalë për mungesë të demokracisë së brendshme.

Sipas tij, lufta e PD për të siguruar standardin e zgjedhjeve është e hershme dhe nis që nga lënia e mandateve e deri tek mos njohja e zgjedhjeve të 2017.

Ai paralajmëroi se PD do t’i çojë zgjedhjet në Strasburg, nëse nuk e gjen të drejtën këtu.