Abuzoi dhe torturoi për vdekje të miturën, 27-vjeçarja del para drejtësisë në Francë

Një grua që dyshohet se abuzoi dhe torturoi një vajzë 12-vjeçare përpara se ta linte të mbytej, do të dalë në gjyq për vrasje të premten, në një rast që ka tronditur Francën.

Trupi i Lola Daviet u gjet i futur në një qese plastik që ishte hedhur në rrugë pranë shtëpisë së saj. 27-vjeçarja, Dahbia Benkired akuzohet për vrasjen e një të mituri, përdhunim, torturë dhe një akt barbarie.

Prindërit e Daviet ngritën alarmin kur vajza e tyre nuk mbërriti në shtëpi. Një orë e gjysmë më vonë, Benkired u filmua në korridorin e hyrjes së ndërtesës e rrethuar nga valixhe, përfshirë një bagazh të madh.

Benkired, e cila thuhet se ka dhënë rrëfime konfuze të ngjarjeve, u ekzaminua nga disa psikiatër dhe psikologë, por u gjykua se ishte në gjendje të përballonte gjyqin. Ajo është mbajtur në burgun Fresnes, në jug të Parisit, për tre vitet e fundit.

LEXONI GJITHASHTU:

• Francë, kryeministri premton pezullimin e reformës së pensioneve
• 50 organizata thirrje Francës: Pezulloni marrëveshjen “një brenda, një jashtë”