Açerbi kapet me tifozin e PSG pas provokimit: Jam i çmendur, do të rrah për vdekje

Mbrojtësi italian Françesko Açerbi po kalon një periudhë ku shpesh gjendet në epiqendër të polemikave. Pas refuzimit të ftesës nga trajneri Luciano Spaleti për ndeshjet kualifikuese të Kupës së Botës dhe humbjes së thellë në finalen e Ligës së Kampionëve kundër PSG-së, emri i tij është rikthyer në titujt e mediave për një incident me një tifoz.

Ngjarja ndodhi jashtë qendrës stërvitore të Interit në Seattle, ku Açerbi debatoi me një tifoz që mbante fanellën e PSG-së. Episodi është regjistruar me video dhe tashmë është bërë viral në rrjete sociale.

Sipas mediave italiane, tifozi dyshohet se e provokoi mbrojtësin zikaltër, i cili iu përgjigj me tone të ashpra: “Jam një person serioz, nuk më pëlqen të më ngacmojnë. Nëse dëgjoj ‘Açerbi-Barkola’ kur dal, nuk jam dakord me këtë. Jam i çmendur, do të të rrah deri në vdekje.”

“Acerbi-Barcola no, perché io matto, io ti sfondo di botte” pic.twitter.com/r5PQKqyV6T

— drake (@drak3acm) June 20, 2025