Aeroporti i Mynihut bllokohet nga bora, anulohen 560 fluturime 

Trafiku ajror është rihapur në aeroportin e Mynihut mëngjesin e sotëm, por me volum të reduktuar ndjeshëm.

Për shkak të reshjeve të dendura të borës që goditën dje Gjermaninë jugore, fluturimet në aeroportin e Mynihut janë pezulluar deri në mëngjesin e sotëm, ndërsa avionët janë devijuar në aeroportet e Nurembergut dhe Frankfurtit.

Ndërprerje ka pasur edhe në qarkullimin hekurudhor.

Aeroporti i Mynihut është rihapur në orët e mëngjesit, por rreth 560 nga 880 fluturimet e planifikuara janë anuluar, tha zëdhënësi i këtij aeroporti, përcjellin mediat gjermane.

Pasagjerët këshillohen të pyesin për fluturimin e tyre përpara se të nisen për në aeroport.

LEXONI GJITHASHTU:

• Milani dhe Juventusi në garë për mesfushorin e Bajernit të Mynihut
• Kushi në Katedrën e Albanologjisë në Mynih: Krenare për marrëveshjen e arritur