Agjencia Evropiane e Barnave: Vaksinimi kundër COVID mund të kryhet 1 herë në vit

Agjencia Evropiane e Barnave (EMA) ka njoftuar se pret që fushatat e vaksinimit kundër COVID të kryhen një herë në vit, ngjashëm me rastin e vaksinimit të gripit.

Megjithëse virusi që shkakton COVID nuk sillet ende si një virus sezonal gjatë valëve të dimrit në klimat e buta, kreu i strategjisë së vaksinimit të EMA, Marco Cavalleri, tha në një konferencë shtypi se ky mund të jetë drejtimi i duhur.

Në Evropë ka një rënie të dukshme të numrit të rasteve të reja të COVID, shtrimit në spital dhe vdekshmërisë – nivelet më të ulëta të regjistruara në Bashkimin Evropian në 12 muajt e fundit, tha ai, duke iu referuar të dhënave nga Qendra Evropiane për Parandalimin dhe Kontrollin e Sëmundjeve. (ECDC).

LEXONI GJITHASHTU:

• Kujdes nga COVID-19, | Ekspertët: Të mbetemi vigjilentë, e keqja nuk ka kaluar
• Alimehmeti: Në Shqipëri nuk dihet sa qytetarë kanë vdekur e janë infektuar me Covid