Aksident i rëndë në Divjakë, 18-vjeçari përplas për vdekje të moshuarin
Një aksident me pasojë vdekjen është regjistruar mëngjesin e kësaj të premteje në aksin rrugor “Pushimi i Shoferit-Divjakë”, në afërsi të fshatit Këmishtaj.
Sipas informacioneve paraprake të Policisë, ngjarja ka ndodhur rreth orës 08:30, kur një automjet tip “Benz”, i drejtuar nga një 18-vjeçar me inicialet M. Xh., banues në Babunjë, ka përplasur një këmbësor në momentin që ky i fundit po kalonte rrugën pranë banesës së tij.
Për pasojë, viktima shtetasi Sh. K., 91 vjeç, banues në Këmishtaj, ka humbur jetën në vendin e ngjarjes si pasojë e plagëve të marra nga goditja e fortë.
Drejtuesi i mjetit është shoqëruar në Komisariatin e Policisë për veprimet procedurale, ndërkohë që grupi hetimor vijon punën për zbardhjen e plotë të rrethanave të aksidentit.
“Rreth orës 08:30, në fshatin Këmishtaj, automjeti me drejtues shtetasin M. Xh., 18 vjeç, banues në Babunjë , ka përplasur këmbësorin, shtetasin Sh. K., 91 vjeç, banues në Këmishtaj, i cili ka ndërruar jetë”, thuhet në njoftimin e policisë.
LEXONI GJITHASHTU:
Kryefaqja
Ali Ahmeti për protestën në Tiranë: Shqipëria po merr goditje të forta në turizëm dhe ekonomi
E rëndë në Kavajë, u godit me thikë nga vëllai, humb jetën një person
Breshëri shkatërron prodhimet bujqësore në Drizë të Gramshit (VIDEO)
- 21:45 Pittard rikthen përmes fotografisë Shqipërinë e një shekulli më parë
- 21:39 Ali Ahmeti për protestën në Tiranë: Shqipëria po merr goditje të forta në turizëm dhe ekonomi
- 21:37 E rëndë në Kavajë, u godit me thikë nga vëllai, humb jetën një person
- 21:32 Breshëri shkatërron prodhimet bujqësore në Drizë të Gramshit (VIDEO)
- 21:28 Rubio: SHBA-ja është “e harmonizuar” me aleatët në Gjirin Persik sa i përket Iranit
- 21:23 Pas tubimit para Kryeministrisë, protestuesit marshojnë në rrugët e kryeqytetit në ditën e 25-të të protestës