Disa persona u plagosën në Kinë, në një përplasje zinxhir ku u përfshinë më shumë se 100 makina, njoftuan sot media shtetërore kineze.
Siç thuhet, shkaku i përplasjes masive që ndodhi në autostradën e qytetit kinez Suzhou, në provincën Jiangsu në lindje të vendit, është akulli.
Tre persona janë shtruar në spital për shkak të lëndimeve dhe gjashtë persona kanë marrë gërvishtje të lehta, njoftoi policia rrugore, raporton Reuters.
Transmetuesi shtetëror i Kinës CCTV tregoi pamje dramatike të përplasjes me reaksion zinxhir, me copa xhamash të thyer të shpërndarë rreth automjeteve. Qarkullimi rrugor është rikthyer dhe policia tha se po heton se si ka ndodhur aksidenti.
Pjesë të mëdha të Kinës janë goditur nga një valë moti i ftohtë me stuhi dhe shi gjatë javëve të fundit, dhe qeveria kineze ka shpallur gjendjen e jashtëzakonshme në ato zona këtë javë për shkak të temperaturave të ulëta, njoftoi agjencia e lajmeve Xinhua.
Një paralajmërim për temperaturë të ulët dhe ngrica është ende në fuqi për disa zona qendrore dhe jugore të Kinës.
LEXONI GJITHASHTU:
- Aksident me vdekje në Milot-Morinë, humb jetën 21-vjeçari nga Shkodra
- Aksident në Shijak, mjeti del nga rruga e përfundon në kanal
