Një aksident tragjik ka ndodhur në Itali të mërkurën, ku kanë ndërruar jetë 4 persona, 3 prej të cilëve punonjës të shërbimit të urgjencës.
Aksidenti rëndë ndodhi në rrugën 73 bis që lidh Urbinon me Fermignano, brenda tunelit Ca’ Gulino. Si pasojë e përplasjes së një autoambulance me një autobus ku udhëtonin 48 fëmijë, ndërruan jetë të gjithë personat në ambulancë.
Pjesë e viktimave ishte dhe mjeku me origjinë shqiptare, Sokol Hoxha, 42 vjeç. Gjithashtu ndërruan jetë dhe infermierja Cinzia Mariotti, 49 vjeç, dhe shoferi Stefano Sabbatini, 59 vjeç, si edhe pacienti i moshuar, Alberto Serfilippi.
Ndërsa, të plagosur mbetën 7 persona, mes tyre 4 fëmijë të moshave 7 deri në 13 vjeç, por fatmirësisht janë jashtë rrezikut për jetën.
Në lidhje me ndarjen nga jeta të mjekut Hoxha ka reaguar dhe këshilltari i qarkut për kujdesin shëndetësor Filippo Saltamartini, i cili deklaroi:
“Personeli shëndetësor që punon në ambulancë rrezikon jetën çdo ditë dhe e vë në shërbim të pacientëve. Janë heronj të heshtur dhe të ditës: sot tre prej tyre ranë duke kryer detyrën.”
Foto nga aksidenti:
LEXONI GJITHASHTU:
- Aksident tragjik në Turqi, 11 të vdekur dhe dhjetëra të plagosur
- Aksident në bypassin e Fierit, makina përplas për vdekje 65-vjeçarin
- EMRAT| Identifikohen viktimat e aksidentit tragjik në Rrugën e Arbrit
