Aksident me vdekje në aksin Delvinë-Kardhiq (EMRI)

Një aksident me pasojë vdekjen e një personi ka ndodhur në aksin Delvinë-Kardhiq.

Sipas burimeve për Euronews, ka qenë një grup motoristësh që udhëtontë në zonë, kur në vendin e quajtur “Kthesa e Senicës”, një prej tyre ka dalë nga rruga.

Si pasojë e rënies së motorit, ka humbur jetën Astrit Lamaj, 53 vjeç.

Pavarësisht mbërritjes së autoambulancës në vendin e ngjarjes, nuk është bërë dot i mundur shpëtimi i tij.

Policia ndodhet në vendin e ngjarjes për zbardhjen dhe dokumentimin e plotë të rrethanave të aksidentit.

Njoftimi i Policisë:

Delvinë/Informacion paraprak

Sot rreth orës 11:30, në aksin rrugor “Skërficë-Fushë Vërri”, gjatë lëvizjes së një grupi motorristësh, njëri prej motomjeteve që drejtohej nga shtetasi A. L., 53 vjeç, banues në Durrës, është përplasur me barrierat mbrojtëse të rrugës dhe ka dalë nga rruga. Për pasojë ka ndërruar jetë drejtuesi i motomjetit shtetasi A. L.

Grupi hetimor po punon për zbardhjen e plotë të rrethanave të aksidentit, ku paraprakisht dyshohet se 53-vjecari ka humbur kontrollin mbi drejtimin e motomjetit.

LEXONI GJITHASHTU:

• Aksidentoi 75-vjeçarin dhe i shkaktoi lëndime në kokë, arrestohet polici në Vlorë
• Fshehu aksidentin e shkaktuar nga e bija, arrestohet efektivi në Gjirokastër