Një efektiv i policisë së Gjirokastrës është arrestuar pasi largoi nga vendngjarja automjetin e vajzës së tij e cila kishte shkaktuar një aksident.
Gjykata e Gjirokastër ka vendosur masën e sigurisë “Arrest në shtëpi” për punonjësin e policisë Inspektor Th.M., me detyrë Oficer i Patrullës së Përgjithshme/Trup Shërbimi në Postën e Policisë Këlcyrë, Komisariati i Policisë Përmet.
Punonjësi i policisë Th.M. dyshohet për kryerjen e veprave penale “Shpërdorim i detyrës” dhe “Largim nga vendi i aksidentit”, pasi ka kryer veprime të kundërligjshme, duke larguar mjetin e vajzës së tij nga vendi i ngjarjes, e cila ishte përfshirë në një aksident automobilistik në rrugën Petran Përmet, duke prishur kështu provat në vendin e ngjarjes.
LEXONI GJITHASHTU:
- Policia operacion në Gjirokastër për shtëpi bari dhe kriptomonedha, shoqërohen 4
- KLGJ refuzon kërkesën e ILD për shkarkimin e gjyqtarit të Gjirokastrës
