Aksident me vdekje në Kamëz, humb jetën 30-vjeçari

Përplasja mes një makine dhe një motori në Kamëz la një të vdekur mëngjesin e sotëm.

Policia tha se ngjarja ndodhi në “Bulevardin Blu” ku makina që drejtohej nga 25-vjeçari me iniciale R.M është përplasur me një motor që drejtohej nga 30-vjeçari me iniciale F.H dhe si pasojë e aksidentit ky i fundit ka humbur jetën.

Ky është një tjetër rast ku aksidentet në rrugë sjellin viktima. Viti 2021 ka rritur numrin e jetëve të humbura në aksidentet rrugore krahasuar me dy vitet që lamë pas.

Referuar statistikave të INSTAT, në 6 muajt e parë të këtij viti u shënuan 105 viktima. Faktori kryesor lidhet me shpejtësinë tej normave të lejuara.

Për parandalimin e aksidenteve, policia ka shtuar gjobat dhe kontrollet, por aksidentet kanë vijuar të jenë një problem shqetësues.

*Policia saktësoi të dhënat në një njoftim të dytë, ku tha se ishin arrestyar dy persona, një prej të cilëve punonjës policie i cili ishte munduar të pengonte zbardhjen e aksidentit kliko këtu për të lexuar lajmin e përditësuar.

LEXONI GJITHASHTU:

• Shqipëria në pesë vite ka regjistruar 133 viktima nga aksidentet në punë
• Të rinjtë më të pakujdesshmit, 105 persona humbën jetën në aksidente rrugore në 6 muaj