Një ngjarje e rëndë ka ndodhur në Itali, ku 23-vjeçari shqiptar Edi Berisha ka humbur jetën si pasojë e një aksidenti automobilistik.
Mediat italiane bëjnë me dije se ngjarja ka ndodhur ditën e djeshme, në Nuvolerë.
Raportohet se Berisha po drejtonte një automjet tip Renault Clio, ku së bashku me të ishte dhe vajza e tij 1-vjeçare, e cila për fat të mirë i ka shpëtuar aksidentit.
Ajo menjëherë u dërgua në spital, ku dhe po merr ndihmë mjekësore.
Sipas asaj që shkruajnë mediat e huaja, i riu shqiptar ka kaluar në korsinë e kundërt teksa po udhëtonte në drejtim të Salos. Në atë moment po vinte një kamion, ku dhe janë përplasur me njëri tjetrin.
Si pasojë e aksidentit mbeti i plagosur edhe shoferi i kamionit. Ndërkohë, autoritetet po merren me hetimin e ngjarjes.
LEXONI GJITHASHTU:
- Gjeta: Njerëzit më shumë i vrasin kafshët për kënaqësi sesa për t’i ngrënë
- Diskriminimi i shqiptarëve në Serbi, Sinani: Tregoni që ekzistojmë