Një aksident ka ndodhur pasditen e sotme në aksin rrugor Korçë-Liqenas, në afërsi të fshatit Zvezdë, Maliq, ku një person ka mbetur i plagosur.

Policia bën me dije se automjeti tip “Volkswagen” me drejtues shtetasin A. K., 27 vjeç, banues në fshatin Vloçisht, Maliq, është përplasur me një karrocë të tërhequr me kafshë pune, me drejtues A. A., rreth 80 vjeç, i cili për pasojë ka marrë dëmtime dhe u dërgua për mjekim në spitalin e Korçës, aktualisht jashtë rrezikut për jetën.

Ndërkohë me  shtetasin A. K., po kryhen veprimet e mëtejshme procedurale.

Grupi hetimor po punon për përcaktimin e shkaqeve të aksidentit.

LEXONI GJITHASHTU: 

• Aksident në Korçë, makina del nga rruga, plagoset 27-vjeçari
• Aksident në Korçë, një i plagosur
• Aksident në Korçë, 2 persona dërgohen me urgjencë në spital