Aksident në Torino, makina përplaset me autobusin me 50 nxënës, një viktimë

Një aksident është regjistruar këtë enjte në Torino të Italisë. Mësohet se një makinë u përplas me një autobus shkolle që transportonte 50 nxënës.

Shoferi 33-vjeçar i makinës ka humbur jetën në vend, ndërsa 20 studentë për fat të mirë u plagosën lehtë. Sipas raportimeve fillestare, makina doli nga kursi në një kthesë dhe përfundoi në anën e kundërt të rrugës.

Shoferi i autobusit arriti ta devijonte automjetin në anë të rrugës, por nuk mundi ta shmangte përplasjen. Viktima e aksidentit thuhet se po kthehej nga puna.

Ky është aksidenti i dytë me autobus brenda vetëm pak ditësh në Itali. Një burrë 85-vjeçar u vra në Oderzo në provincën e Trovisos, kur makina që ai drejtonte u përplas ballë për ballë me një autobus që transportonte rreth 50 studentë.

LEXONI GJITHASHTU:

• Tronditet Gjermania: 50 svastika me gjak gjenden të vizatuara në makina dhe ndërtesa
• E quajti kryebashkiakun e ri të Nju Jorkut xhihadist, reagime të ashpra ndaj aktores