Aksidenti me 4 viktima/ Ekspertë nga Tirana për shkaqet e përplasjes fatale

Një aksident i rëndë rrugor u regjistrua mbrëmjen e së dielës në rrugën kombëtare Tepelenë-Memaliaj, në vendin e quajtur bypassi i Tepelenës.

Rreth orës 19:00 tre automjete u përfshirë në një aksident si shkak i të cilit u regjistruan katër viktima dhe dy të lënduar në gjendje të rëndë.

Fillimisht makina tip Mercedez me targa AA414JB u përplas me makinën Tojota Jaris me targa AA314JG dhe me pas tij automjeti BMW AB212JL. Gjatë aksidentit humbën jetën drejtuesi i Mercedesit Riza Rapaj, 42 vjeç, Lavdosh Bega, 62 vjeç drejtuesi i Tojotës, bashkëshortja e tij Lefteri Bega, rreth 57 vjeçe dhe Afërdita Bega, rreth 85 vjeçe që udhëtonin në të njëjtin mjet.

Dy personat e plagosur u transportuan fillimisht në drejtim të Spitalit të Gjirokastrës dhe më pas për një ndërhyrje më të specializuar në spitalin e Traumës. Ndër pistat kryesore të shkaqeve të këtij aksidenti të rëndë janë për një parakalim të gabuar ose prania e lagështisë në asfalt.

Gjatë ditës së hënë grupi hetimor ka punuar intensivisht ndërsa është dashur edhe mbërritja e ekspertëve autoteknik nga Tirana për të verifikuar gjendjen teknike të mjeteve të përfshira në aksident çka do të ndihmonte për zbardhjen e plotë të shkaqeve të tij.

LEXONI GJITHASHTU: 

• EMRAT| Kush janë ekspertët që do të rindërtojnë skenën e vrasjes së Pjerin Xhuvanit
• Ministria e Brendshme ruse nis 61 çështje penale pas zgjedhjeve presidenciale