Është arrestuar 65-vjeçari nga Fieri i cili pak ditë më parë aksidentoi për vdekje 20-vjeçarin në Elbasan dhe më pas u largua nga vendi i ngjarjes.
Policia bën me dije se në pranga ka rënë shtetasi A. D., 65 vjeç, banues Fier, për veprat penale “Shkelja e rregullave të qarkullimit rrugor” dhe “Largimi nga vendi i aksidentit”.
“Nga veprimet hetimore rezultoi se ky shtetas, mbrëmjen e datës 23.01.2023, në unazën e qytetit, duke drejtuar automjetin tip “Benz”, ka aksidentuar me pasojë vdekjen, shtetasin F. S., 20 vjeç, banues në Elbasan, i cili po lëvizte me këmbë. Pas aksidentit, drejtuesi i automjetit është larguar menjëherë nga vendi i ngjarjes”- njofton policia.
Ndërkohë është sekuestruar dhe automjeti tip “Benz”.
Materialet i kaluan Prokurorisë pranë Gjykatës së Shkallës së Parë Elbasan, për veprime të mëtejshme.
LEXONI GJITHASHTU: