Vetëm pak javë pasi u përball me akuzat për sulm seksual, aktori francez Gerard Depardieu dyshohet se ka sulmuar paparacin e njohur italian Rino Barilari përpara një kafene-bari të njohur në Romë, raportojnë mediat sot.

Depardieu, 75 vjeç, thuhet se ka darkuar me dy gra në kopshtin e Bar Harry’s në Via Vittorio Veneto të Romës të martën kur Barilari, 79 vjeç, filloi t’i fotografonte ato, raporton Neë York Post.

Gianni Riota, një kolumnist për të përditshmen e Romës Repubblica, i cili ishte i pranishëm kur ndodhi incidenti, pohon se Barilarit iu kërkua vazhdimisht të ndalonte së fotografuari.

Teksa fotografi i famshëm po dilte nga lokali, Magda Vavrusova, një nga gratë e ulur me yllin e filmit francez, dyshohet se ndoqi Barilarin në rrugë, duke i bërtitur dhe Depardieu ndërhyri dhe filloi ta grushtonte.

“Ishte shumë gjak”, tha Riota për mediat.

Avokatja e Magda Vavrusova, Delphine Maye, tha se Barilari kishte “shtyrë dhunshëm” klienten e saj përpara sulmit të Depardieu, duke i prekur gjoksin me dorën e tij.

Sipas saj, Depardieu ka tentuar ta mbrojë dhe më pas ka goditur fotografin.

LEXONI GJITHASHTU:

• Aktori i Line Of Duty, Brian McCardie ndërron jetë në moshën 59-vjeçare
• Ndahen pas 20 vjetësh martesë çifti i aktorëve të njohur