Akuzat për korrupsion, arrestohet nënkryetarja e Parlamentit Europian

Nënkryetarja e Parlamentit Europian Eva Kaili është ndaluar sot për t’u marrë në pyetje në kuadër të hetimeve për korrupsion në atë institucion, që lidhet me një vend të Gjirit Persik, raportoi e përditshmja belge Le Soir dhe e përjavshmja Knak.

Kaili, një ish-prezantuese e televizionit grek dhe deputete e Parlamentit Evropian që nga viti 2014, është vënë në shënjestër të hetuesve dhe shtëpia e saj iu nënshtrua kontrollit pasditen e së premtes.

Eva Kaili është një nga 14 nënkryetaret e Parlamentit Evropian.

Informacioni u konfirmua nga prokuroria federale pa bërë të ditur emrat e personave të ndaluar.

LEXONI GJITHASHTU:

• Rroga minimale në BE, Parlamenti Evropian gati draftin për mbrojtjen e punëtorëve
• Parlamenti Evropian kërkon hapjen e arkivave të ish-Jugosllavisë