Akuzohet si “agjent i huaj”, Rusia fut në burg studiuesin francez

Një gjykatë në Moskë ka dënuar një studiues francez me tre vjet për shkeljen e ligjit të diskutueshëm të Rusisë për regjistrimin si “agjent i huaj”.

Laurent Vinatier, i cili punonte për një OJQ të ndërmjetësimit të konfliktit me bazë në Zvicër, u arrestua në qershor ndërsa mblidhte atë që prokurorët thonë se ishte informacion mbi ushtrinë ruse.

Duke folur në sallën e gjyqit në rusisht, Vinatier kërkoi falje, duke thënë se nuk ishte në dijeni se duhej të ishte regjistruar. 48-vjeçari, i cili më herët kishte pranuar fajin, recitoi një varg të poetit rus Aleksandër Pushkin.

Një lutje e ekipit mbrojtës të Vinatier që ai të gjobitej në vend që të përballej me një dënim me burg u hodh poshtë nga kryetari i trupit gjykues. Ekipi tha se ai do të apelonte.

Franca nuk e ka komentuar publikisht vendimin e gjykatës së Moskës. Presidenti Emmanuel Macron kishte kërkuar më herët lirimin e Vinatier.

LEXONI GJITHASHTU:

• Bie qeveria e koalicionit në Islandë, kryeministri shpall zgjedhjet e parakohshme
• Nuk arrestoi shtetasin në kërkim nga Interpoli, ndalohet inspektori në Hanin e Hotit