Al Jazeera: SHBA nuk do e mbështesë Izraelin nëse vendos të kundërsulmojë Iranin

Në orët e para të mëngjesit të sotëm Irani nisi “sulmin hakmarrës” ndaj territorit të Izraelit, si kundërpërgjigje e goditjes nga ana e Izraelit të Konsullatës iraniane në Damask.

Sipas mediave të huaja, administrata e presidentit të SHBA-ve, Joe Biden, nuk do të marrë pjesë drejtpërdrejtë nëse Izraeli vendos të kundërsulmojë Iranin.

Al Jazeera raporton se sipas një zyrtari të Shtëpisë së Bardhë, Biden ka qenë shumë kritik ndaj kryeministrit izraelit Benjamin Netanyahu-t.

Pas sulmit nga Irani, Biden shprehu mbështetjen ndaj Izraelit, por në prapaskenë ai është shumë i qartë se SHBA nuk do të mbështeste një sulm ndaj territorit iranian.

Administrata Biden kërkon përdorimin e diplomacisë dhe këmbëngul se ajo nuk do të përfshihet drejtpërdrejtë në një konflikt me Republikën Islamike.

LEXONI GJITHASHTU:

• Irani: Lajmëruam aleatët për sulmin ndaj Izraelit 72 orë përpara
• “Ndalni përshkallëzimin”, Katari shpreh shqetësim për sulmin Iran-Izrael