Alarmohen SHBA dhe Britania: Gati marrëveshja bërthamore Rusi-Iran

Britania dhe SHBA-ja kanë ngritur alarmin se Rusia ka ndarë sekretet bërthamore me Iranin, në këmbim që Teherani të furnizojë Moskën me raketa balistike për të bombarduar Ukrainën.

Gjatë samitit të tyre në Uashington kryeministri britanik Keir Starmer dhe presidenti amerikan Joe Biden pranuan se të dy vendet po forcojnë bashkëpunimin ushtarak në një kohë kur Irani është në proces të pasurimit të mjaftueshëm të uraniumit për të përmbushur qëllimin e tij për të ndërtuar një bombë bërthamore.

Mediat britanike raportojnë se gjatë bisedës se u shfaqën shqetësime në lidhje me tregtinë e Iranit për teknologjinë bërthamore, pjesë e një aleance të thelluar midis Teheranit dhe Moskës.

Kujtojmë se Rusia është vendi me numrin më të lartë në botë të kokave bërthamore, ndërsa Irani është një shtet pretendent për të pasur armë bërthamore.

LEXONI GJITHASHTU:

• Kim Jong Un: Koreja e Veriut planifikon rritjen e arsenalit bërthamor
• Sulmi rus me dronë, shkëputen katër njësi të energjisë bërthamore në Ukrainë