Në korrik do kemi një propozim për hartën territoriale, thotë Alibeaj

Grupi Parlamentar i Partisë Demokratike është mbledhur këtë të martë në selinë blu, për të diskutuar në lidhje me reformën territoriale.

Në mbledhjen e thirrur nga Enkelejd Alibeaj, ishin të pranishëm 16 deputetë.

Gjatë mbledhjes, Alibeaj ka deklaruar se këtë muaj do të evidentohen problematikat që lidhen me këtë reformë.

Ndërsa, deri në fund të muajit korrik, do të ketë një propozim konkret për mënyrën sesi do të duhet të jetë harta e re territoriale e Shqipërisë.

Deputetët e pranishëm në mbledhjen e sotme ishin:

1. Kastriot Piroli

2. Flamur Hoxha

3. Emilia Koliqi

4. Andia Ulliri

5. Dhurata Cupi

6. Gazment Bardhi

7. Sajmir Korreshi

8. Eralda Tase Bano

9. Zheni Gjergji

10. Ferdinand Xhaferraj

11. Enkelejd Alibeaj

12. Arbi Agalliu

13. Bledion Nallbati

14. Lefter Geshtenja

15. Orjola Pampuri

16. Xhelal Mziu

Ndërsa, mesditën e së nesërmes do të mbahet mbledhja e parë e Komisionit të Posaçëm të Reformës Administrativo-Territoriale.

Më herët, kreu i grupit parlamentar të PS, Taulant Balla deklaroi se komisioni do të bëjë një analizë të ecurisë së deritanishme të ndarjes territoriale të vendit që u votua në korrik të 2014-s dhe hodhi idenë e organizimit të vendit në rajone.