Alibeaj: Fitorja më e madhe e PD në Fier, koha të nisim një të ardhme më të mirë për Shqipërinë

Kandidati i Partisë Demokratike në Qarkun e Fierit, në një deklaratë për mediat mbrëmjen e sotme u shpreh entuziast për një fitore të madhe të PD në këtë qark. Sipas z. Alibeaj, është koha të nisë një e ardhme më e mirë për Shqipërinë

“Njerëzit, duke besuar në rrugën tonë, u treguan të vendosur. Është një fitore që u përket shqiptarëve e dhe Shqipërisë. Sot ka fituar Shqipëria dhe për këtë duhet të gëzojnë të gjithë.

Kam sigurinë që procesi i numërimit do të jetë i pastër dhe korrekt për ta ruajtur mirë këtë fitoren tonë të përbashkët.

Vota janë në kuti, ajo që ka rëndësi është që ky proces duhet të jetë i pastër dhe i shpejtë që të kemi rezultatin që të gjithë e presin; fitoren e të gjithë shqiptarëve”, tha z. Alibeaj.