Allkja: Mjekët nuk duhet të dhunohen edhe nëse s’kanë bërë sa duhet

Mjeku Ilir Allkja deklaroi se nuk ka informacion në lidhje me një rast të bërë publik disa ditë më parë, ku dy infermiere u dhunuan në Pediatrinë e QSUT-së nga familjarët e një fëmije.

Në emisionin “Sot” në “Euronews Albania”, Allkja u shpreh se edhe nëse stafi mjekësor nuk ka bërë sa duhet, dhuna s’mund të justifikohet.

Sipas tij, në të gjithë rastet e dhunës në Shqipëri, nuk ka pasur një rast të vetëm të vërtetuar që fajtor kanë qenë mjekë.

“Personalisht, përderisa nuk ka asnjë prononcim që kjo është e vërtetë nga vetë infermieret, nuk mund të them se nuk është e vërtetë. Dhuna ndaj bluzave të bardha në Shqipëria ka vite që ushtrohet në mënyrë të verbër, a thua se janë bluzat e bardha fajtorët për hallet dhe problemet që kanë shqiptarët. Me sa ka dëgjuar, fëmijës nuk po i zbriste temperatura.

Po aludojmë se ndoshta stafi mjekësor nuk ka bërë sa duhet, gjë e cila nuk ndodh, sërish nuk ka asnjë të drejtë, asnjë arsyetim që të shkaktohet dhunë. Në të gjithë rastet e dhunës në Shqipëri, nuk ka pasur një rast të vetëm të vërtetuar që fajtor kanë qenë mjekët”, theksoi ai.

LEXONI GJITHASHTU

• Infermierët paralajmërojnë protestë, Skënderi: Dhuna ndaj tyre, rast i përsëritur
• ‘Të harruar dhe abuzuar nga shteti’, infermierët: Do të dalim në protestë