Amazon do të shkurtojë edhe 9.000 vende të tjera pune

Gjiganti i shitjeve online, Amazon, planifikon të shkurtojë 9.000 vende të punës, në tentim e sipër për të zvogëluar shpenzimet.

Kompania, e cila punëson 1.5 milion njerëz në gjithë botën, ka thënë se ky shkurtim do të prekë më shumë sektorin e ruajtjes së të dhënave dhe atë të reklamimit.

Në njoftim nuk janë përmendur shtetet që do të preken, mirëpo është thënë se pozitat do të mbyllen në javët në vazhdim.

Shefi i Amazon, Andy Jassy, e ka konsideruar vendimin si “të vështirë”, mirëpo më të mirin për kompaninë, në periudhë afatgjatë, shkruan REL.

Në janar të këtij viti, kjo kompani ka mbyllur 18 mijë vende pune.