Ambasada e SHBA-së në Rusi kërkon lirimin e gazetares ruso-amerikane, Kurmasheva

Ambasada e Shteteve të Bashkuara në Moskë bëri thirrje për lirimin e gazetares së Radios Evropa e Lirë, Alsu Kurmasheva.

Kurmasheva u dënua me gjashtë vjet e gjysmë burg nga një gjykatë ruse.

Një ditë pasi u publikua lajmi për dënimin e saj, Ambasada amerikane tha se kjo është “një ditë e errët për gazetarinë në Rusi”.

“Ne, sërish, u bëjmë thirrje autoriteteve ruse që të lirojnë Alsunë dhe gazetarët e tjerë të burgosur. Shtypja e zërave kundërshtues i dëmton të gjithë rusët. Një shtyp i lirë dhe i pavarur është në zemër të demokracisë”, tha Ambasada amerikane në një postim në mediat sociale më 23 korrik.

Kurmasheva, 47 vjeçe, nënë e dy fëmijëve, u arrestua në Kazan në tetor të vitit të kaluar dhe u akuzua për mosregjistrim si “agjente e huaj”.

Regjistrimin e tillë e kërkon një ligj  rus, i cili ka në shënjestër gazetarë, aktivistë të shoqërisë civile dhe të tjerë.

Ajo u akuzua, gjithashtu, për përhapje të informacioneve të rreme për ushtrinë ruse dhe përballet me dhjetë vjet burg nëse shpallet fajtore.

LEXONI GJITHASHTU:

• Rusia dënon me me gjashtë vjet e gjysmë burgim gazetaren ruso-amerikane Kurmasheva
• Gazetarja Kurmasheva e burgosur në Rusi, nominohet për çmimin e UNESCO-s