Ambasadori francez largohet nga Nigeri 

Ambasadori i Francës në Niger, Sylvain Itte, është larguar nga Nigeri, thanë dy burime të sigurisë.

Ite u largua nga Nigeri rreth një muaj pasi junta ushtarake i kërkoi atij të largohej nga vendi, raportoi Reuters.

Presidenti francez Emmanuel Macron tha në mes të muajit se ambasadori francez në Niger po jetonte si peng në ndërtesën e ambasadës, duke akuzuar juntën për bllokimin e dërgesave të ushqimit në ambasadën franceze në vend.

“Ambasadori jeton me racionet ushtarake”, tha Macron në atë kohë.

Udhëheqësit ushtarakë të Nigerit i dhanë ambasadorit francez Sylvain Itte një ultimatum 48-orësh për t’u larguar nga Nigeri në gusht, pasi rrëzuan Presidentin Mohamed Bazum më 26 korrik.

Macron njoftoi gjatë fundjavës se ambasadori do të kthehej në Francë, si dhe tërheqjen e 1500 ushtarëve francezë nga Nigeri.

LEXONI GJITHASHTU:

• SHBA-ja ripozicionon trupat e saj në Niger
• Të paktën 7 viktima dhe 2 të plagosur në një sulm në një xhami në Nigeri