Ambasadori gjerman Rohde: Kosova është vonuar për themelimin e Asociacionit

Ambasadori i Gjermanisë në Kosovë, Jorn Rohde, ka reaguar sërish në lidhje me Asociacionin, duke shpërndarë në Twitter deklaratën e SHBA-ve në lidhje me këtë çështje.

Rohde në postimin e tij shkruan se Kosova është zotuar që ta themelojë Asociacionin e Komunave me shumicë serbe qysh prej disa vitesh dhe se themilimi i tyre është i vonuar.

Ai shton se me Asociacionin Prishtina do të çojë përpara bisedimet e normalizimit në marrëdhëniet me Serbinë.

“Është e vonuar dhe do të çojë përpara bisedimet e normalizimit”, shkroi Rohde.

Para publikimit të draft-statutit, zyrtarë të LVV-së, patën takim  përfaqësuesin e organizatës Friedrich-Ebert-Stiftung në Kosovë, Rene Schlee.

Në reagimin për media përfaqësuesit e LVV pohuan se në këtë takim “u ritheksua qëndrimi i LV-së kundër themelimit të një asociacioni dhe çdo marrëveshjeje tjetër mbi baza etnike”.

“Republika e Kosovës ka një nga sistemet më të mira në botë për mbrojtjen e të drejtave të komuniteteve joshumicë, brenda kornizave ligjore dhe kushtetuese”, thuhej në komunikatë.

LEXONI GJITHASHTU

• Daft-statuti nga FES: Asosacioni do formohet në përputhje me Kushtetutën e Kosovës
• ‘Ndërkombëtarët aneksuan Kosovën’, deputetja shqiptare kundër presidentit kroat
• Kërcënon SHBA e BE: Çfarë pritet të ndodh nëse Kurti dhe Vuçiç refuzojnë propozimin