Ambasadori rus: Perëndimi është shkaktar për mjerimin e Ukrainës

Ambasadori i Rusisë në Mbretërinë e Bashkuar, Andrey Kelin ka mohuar pretendimet se forcat ushtarake të Moskës kanë kryer mizori në Ukrainë.

Ai ka fajësuar Perëndimin për shkatërrimin e Ukrainës dhe në veçanti, Mbretërinë e Bashkuar për premtimin se do t’i sigurojë Kievit armë me rreze të gjatë, shkruan Al Jazeera.

Kelin u shpreh gjithashtu se armët me rreze të gjatë ishin një kërcënim për rusët dhe njerëzit në territorin pro-rus në Ukrainë.

Sipas tij, kjo kërkonte që forcat ruse të ndërhynin më thellë në Ukrainë për të mbrojtur civilët nga gama e gjerë e armatimeve perëndimore.

“Ne duhet ta zhvendosim këtë linjë më tej, më thellë në Ukrainë, vetëm për të shmangur kërcënimet e mëtejshme ndaj territorit të Rusisë dhe territorit të Donbasit. Pra, në këtë mënyrë, vendet perëndimore, ata po shkatërrojnë vetë Ukrainën”, theksoi ai.