Amerikani rrëmbehet në Kabul, dyshohet për lidhje me operacionin e CIA-s

Mahmood Habibi, një shtetas amerikan me origjinë afgane dhe ish-drejtor i aviacionit civil të Afganistanit, është zhdukur që nga gushti i vitit 2022, pasi u rrëmbye në Kabul nga forca të armatosura të talebanëve, sipas dëshmitarëve dhe të dhënave të qeverisë amerikane.

Habibi, i cili punonte për një kompani amerikane private, dyshohet se u ndalua nga talebanët pasi CIA kishte përdorur një kamerë sigurie të kompanisë për të gjurmuar liderin e al-Kaedës, Ayman al-Zawahiri, i cili u vra nga një dron amerikan vetëm 10 ditë para arrestimit të tij, raporton Reuters.

Edhe pse talebanët mohojnë ta kenë në ndalim dhe thonë se nuk dinë asgjë për fatin e tij, prova të reja, përfshirë sinjale nga celulari i tij brenda selisë së inteligjencës talebane (GDI), sugjerojnë të kundërtën.

SHBA ka intensifikuar përpjekjet për lirimin e tij dhe ka ofruar një shpërblim prej 5 milionë dollarësh për informacion. Rasti konsiderohet një pengesë serioze në marrëdhëniet mes SHBA-së dhe talebanëve.

LEXONI GJITHASHTU:

• Policia e Vlorës shpëton dy turistë gjermanë, të bllokuar në grykëderdhjen e Semanit
• Policia bllokon ambientet e News 24, prona i kalon shoqërisë shtetërore ‘KAYO’