AMF: 25% kontrata më shumë për makinat, pronat dhe shëndetin

Numri i kontratave për sigurim të makinës, pronës dhe shëndetit u rrit me 25% në fillim të këtij viti. Shifrat tregojnë se janë mbi 335 mijë polica, nga 270 mijë që u regjistruan në 4 muajt e parë të vitit 2021.

Kompanitë e sigurimeve mblodhën në 4 muajt e parë të vitit 5.8 mld lekë. Krahasuar me vitin e kaluar shuma është rritur me 9%.

Autoriteti i Mbikëqyrjes Fianaciare thotë se janë mbi 335 mijë kontrata të lidhura sigurimi, nga 270 mijë që ishin lidhur vjet.

Të dhënat tregojnë se shqiptarët janë më të prirur për të siguruar makinën, por rritja e çmimit të banesave dhe rritja e vlerës së kredive në mënyrë të tërthortë ka ndikuar pozitivisht në tregun e sigurimit të pronave.

Nga ana tjetër sigurimi i jetës zë pjesën më të vogël të numrit të kontratave, rreth 15% të totalit. Numri është rritur me 2%, dhe pandemia duket se nuk ka ndikuar në sigurimin e shëndetit.

Raporti tregon se dëmet e paguara për sigurimin e mjeteve janë të barabarta në krahasim me vjet, por duke mbledhur edhe dëmshpërblimet për banesat apo shëndetin, këtë vit kompanitë kanë paguar rreth 15% më pak.

LEXONI GJITHASHTU:

• Makinat pa siguracione, AMF: Të rriten gjobat, dëmet nga aksidentet do paguhen më shpejt