Zyrtarët në Amsterdam kanë miratuar një plan për të akomoduar përkohësisht të paktën 1000 emigrantë në një anije lundrimi të ankoruar në port.

Anija do të qëndrojë e ankoruar në portin e qytetit për të paktën gjashtë muaj nga 1 tetori, sipas një marrëveshjeje me qeverinë qendrore, duke lejuar banorët të dalin dhe të hyjnë lirisht, shkruan Euronews.

Kryeqyteti holandez bëhet qyteti i dytë që miraton planet për vendosjen e emigrantëve në një linjë lundrimi.

Holanda po synon t’i japë fund një krize akomodimi që javën e kaluar, ku rreth 700 azilkërkues flinin jashtë, në kushte josanitare në një qendër pritjeje të dedikuar sepse nuk kishte hapësirë për ta brenda.

Kryeministri Mark Rutte tha të premten se i vinte turp për situatën në qendrën e pritjes së azilit Ter Apel.

“Situata në Ter Apel është zemërthyese”, shtoi kryetari i Amsterdamit, Rutger Groot Wassink. “Së bashku ne duhet të zgjidhim mungesën e akomodimit në mënyrë që refugjatët të mund të gjejnë një vend”.

Groot Wassink thotë se anija turistike është një zgjidhje e përkohshme dhe afatshkurtër dhe i ka bërë thirrje qeverisë holandeze të punojë me komunat për të reformuar sistemin e azilit të vendit.

LEXONI GJITHASHTU:

• Holanda dhe Danimarka aktivizojnë planet e krizës energjetike
• Holanda me rritjen më të madhe të shpenzimeve ushtarake që nga Lufta e Ftohtë