Analisti: Trump nuk e ftoi NATO-n në luftë, synonte të zhbllokonte Ngushticën e Hormuzit

Në një lidhje live nga Prishtina për Euronews Albania në Balkan Talks me Franko Egron, analisti Melazim Koci u shpreh se kërkesa e Trump për vendet e NATO-s lidhur me Ngushticën e Hormuzit nuk ishte një ftesë për t’i futur ato në luftë me Iranin, por një ftesë për të ndihmuar SHBA-në në hapjen e rrugës tregëtare.

Sakaq, analisti theksoi se çështja e Ngushticës së Hormuzit mund të çojë në një konflikt ose të thellojë përçarjet midis vendeve të NATO-s, vendeve të BE-së dhe SHBA-së.

“Pavarësisht deklaratave të ekzagjeruara të Trump në lidhje me çështjen e Ngushticës së Hormuzit, në këtë rast besoj se ai ka pasur të drejtë. Ai nuk i ftoi aleatët e NATO-s të hyjnë në luftë me Iranin, por kërkoi të ndihmojnë SHBA-në në mundësimin që Ngushtica e Hormuzit të hapet dhe qarkullimi të bëhet i lirë.

Irani nuk ka të drejtë ta bllokojë ngushticën e Hormuzit sipas të drejtës ndërkombëtare detare, dhe Trump kërkoi nga këto vende aleate të dërgojnë anije për të mundësuar lirinë e transportit të naftës.

Një konflikt me Iranin do të thellonte mosbesimin brenda NATO-s dhe marrëdhëniet midis SHBA-së dhe aleatëve evropianë. Ka pasur një duel verbal ndërmjet zonjës Kallas dhe Marco Rubio në konferencën e G7, ku Kallas i ishte drejtuar Rubios me ftesë që ata të angazhohen ndaj Rusisë. Rubio i përgjigj se Ukraina është çështja e tyre, por kjo tregon se ka përçarje brenda vendeve të BE-së, NATO-s dhe SHBA-së.

Ngushtica e Hormuzit mund të thellojë edhe më tej këtë përçarje dhe tensione midis aleatëve,” u shpreh analisti.