Ancelotti do të jetë trajneri i ri i Brazilit, zbulohen prapaskenat dhe kontrata
Nuk ka më asnjë dyshim Carlo Ancelotti do të jetë trajneri i ri i Brazilit duke nisur nga viti 2024. Për të konfirmuar këtë lajm, që qarkullonte prej kohësh, ka qenë vet presidenti i Federatës Braziliane të Futbollit, Ednaldo Rodrigues, shkruan CNN Brazilian. Ancelotti ka një kontratë me Real Madrid deri në vitin 2024, dhe në përfundim të saj italiani do të marrë menjëherë drejtimin e 5 herë kampionëve të Botës.
Ancelotti pritet të drejtojë “Seleçaon” në Kupën e Amerikës që do të zhvillohet në SHBA në verën e 2024.
Ai do të bëhet trajneri i parë i huaj pas afro 70 vitesh që do të drejtojë përfaqësuesen e Brazilit. Për herë të fundit ishte argjentinasi Filpo Nunez që i udhëhoqi në një ndeshje të vetme në vitin 1965.
Ancelotti është një nga trajnerët më të suksesshëm në histori, ku spikasin 4 Champions League, 2 me Milan dhe dy me Real Madrid, gjithashtu ka fituar tituj të shumtë në Itali, Angli, Gjermani, Francë dhe Spanjë.
Pasi zhgënjyen në Botërorin e fundit, “Katar2022”, Brazili shpreson shumë që me ardhjen e Ancelottit në stol të rikthehen edhe një herë në majën e botës.
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta