Anëtarësimi i Shqipërisë dhe RMV-së forcon stabilitetin, sipas BE-SHBA

Avancimi i rrugës së Shqipërisë dhe Maqedonisë së Veriut në Bashkimin Evropian, është çelësi për forcimin e kohezionit dhe qëndrueshmërisë së kontinentit.

Është kjo deklarata e përbashkët e Shefit të Politikës së Jashtme në BE, Josep Borrell dhe Sekretarit amerikan të Shtetit, Antony Blinken.

Sipas tyre, të dyja vendet janë gati të ndërmarrin hapin tjetër drejt anëtarësimit në BE, duke shtuar se Evropa ndodhet në një moment kritik për shkak të agresionit të pajustifikuar rus në Ukrainë.

Në lidhje me ngërçin midis Maqedonisë së Veriut dhe Bullgarisë, zyrtarët thonë se presin një kompromis ku merren parasysh interesat dhe shqetësimet e vendeve respektive.

Ndër të tjera, në deklaratë thuhet se se Bashkimi Evropian dhe Shtetet e Bashkuara janë të përkushtuara për bashkëpunim më të ngushtë në Ballkanin Perëndimor.

Sigurimi i stabilitetit dhe prosperitetit dhe realizimi i së ardhmes së tyre evropiane dhe euroatlantike qëllimi ynë i përbashkët i BE-së dhe SHBA-ve.

LEXONI GJITHASHTU

• ‘Gati për anëtarësim në BE’, Kovaçevski pas takimit me Ramën dhe Vuçiç
• Borrell: Vetoja e Bullgarisë sjell pasoja negative në besueshmërinë e BE-së