Anëtarët e G7 ruajnë kufirin e çmimit për naftën ruse

Grupi i shtatë vendeve më të zhvilluara në botë, G7 njoftoi sot se do të mbajë kufirin prej 60 dollarë për fuçi për naftën ruse.

Sipas Reuters, vendet anëtare e morën këtë vendim pavarësisht rritjes së çmimeve globale të naftës së papërpunuar dhe thirrjeve nga disa vende për të kufizuar të ardhurat e Rusisë.

G7 dhe Australia vendosën të mbajnë kufirin në fuqi javët e fundit pas rishikimit të çmimit prej 60 dollarësh, të vendosur dhjetorin e kaluar për të reduktuar aftësinë e Rusisë për të financuar luftën në Ukrainë, tha një zyrtar i paidentifikuar nga një prej vendeve anëtare të G7.

Zyrtarët e G7 arritën në përfundimin se kufiri i çmimit po punonte për të reduktuar të ardhurat ruse duke ruajtur stabilitetin e tregut të energjisë, por thanë se ata do të vazhdojnë të koordinohen me njëri-tjetrin, shtoi zyrtari.

LEXONI GJITHASHTU:

• Solli në Shqipëri mbi 24 tonë naftë, lihet në burg kapitenin rus Alexey Smaznov
• Liderët e G7-s dhe Zelensky takohen në përvjetorin e luftës