Anuloi takimin gjatë vizitës në Shqipëri, Cameron bisedë telefonike me Begaj

Sekretari i Jashtëm i Mbretërisë së Bashkuar, David Cameron, ka zhvilluar një bisedë telefonike me presidentin e Shqipërisë, Bajram Begaj.

Lajmin e bëri të ditur Zyra e Jashtme e Mbretërisë së Bashkuar përmes një njoftimi, ku thuhet se mes tyre u diskutua roli i Shqipërisë si një aleate e ngushtë e NATO-s.

Po ashtu sipas njoftimit, mes tyre u diskutua edhe për mbështetjen e palëkundur për Ukrainën dhe përballjen me sfidat rajonale.

“Sekretari i Jashtëm pati një telefonatë me presidentin shqiptar @BajramBegajAL sot pas vizitës së tij në Tiranë. Ata diskutuan rolin e rëndësishëm të Shqipërisë si një aleate e ngushtë e NATO-s dhe rikonfirmuan mbështetjen tonë të palëkundur për Ukrainën dhe përballjen me sfidat rajonale”, thuhet në njoftim.

Kujtojmë se Cameron zhvilloi ditën e sotme një vizitë në Shqipëri, ku u takua me kryeministrin Edi Rama.

Si pjesë e axhendës së Cameron ishte edhe një takim me Presidentin Bajram Begaj, por ky takim u anulua, për shkak se Sekretari i Jashtëm britanik u thirr për të marrë pjesë në mbledhjen e kabinetit qeveritar në vendin e tij.

The Foreign Secretary had a call with Albanian President @BajramBegajAL today following his visit to Tirana.

They discussed Albania’s important role as a close NATO ally and reaffirmed our steadfast support for Ukraine and confronting regional challenges.

— Foreign, Commonwealth & Development Office (@FCDOGovUK) May 22, 2024

LEXONI GJITHASHTU:

• Zbulohet pse Cameron anuloi takimin me presidentin Begaj dhe fluturoi drejt Londrës
• Cameron mbërrin në Rinas, pritet nga ministri i Jashtëm