Apel për të restauruar pikturën e rrallë

Një pikturë e Vangjel Zengo, një prej mjeshtërve të Ikonografisë shqiptare të shekullit të 19 e fillim shekullit të 20, ndodhet e ekspozuar në Muzeun Historik Fier.

‘Moment Idilik’ është krijuar në 1937 dhe ka në qendër një qeramist dhe një vajzë.

“Kjo pikturë ka nevojë për restaurim dhe ky është apeli im institucioneve përkatëse dhe të specializuara për të ndërhyrë që kjo vepër arti të jetë e përfaqësuar denjësisht”, shprehet përgjegjësi i muzeut, Ilirjan Gjika.

Piktori Vullnet Alushaj e sheh këtë vepër të rrallë për teknikën e punimit të saj.

“Kjo pikturë na vjen çuditërisht në lëkurë që është një gjë e rrallë, në aspektin teknik të asaj periudhe dhe që na vjen deri në ditët tona”, thotë piktori.

Në Fier nuk ka restauratorë dhe procesi si për këtë pikture, ashtu dhe për vepra të tjera kërkon bashkëpunim me specialistë në Institutin e Restaurimeve.

Afresket e Vangjen Zengos ndodhen në disa kisha të  Korçës, përfshirë katedralen e Shën Gjergjit, xhaminë e Mirahorit si dhe kishën e Ungjillëzimit në Tiranë.

Një koleksion me 180 ikona të pikturuara prej tij ruhen në Muzeun e Artit Mesjetar në Korçë.

LEXONI GJITHASHTU:

• Artisti i parë shqiptar që eksperimenton në realizimin e pikturave me kafe
• Piktura e artistit Leonardo Da Vinçi në ankand për 16.7 milionë dollarë