Aplikimi i Kosovës për në BE, Daçiç: Vendet që se kanë njohur, ta kontestojnë

Ministri i Punëve të Jashtme të Serbisë, Ivica Daçiç deklaroi se Beogradi po punon që vendet e BE-së që nuk e kanë njohur pavarësinë e Kosovës nga aspekti statusor, të kontestojnë kandidaturën e shpallur të Prishtinës për anëtarësim në BE.

Daçiç tha se përveç ardhjeve të paralajmëruara të zyrtarëve të shumtë, 15 dhjetori është i rëndësishëm për Serbinë, kur ekziston mundësia që Prishtina të dorëzojë kërkesë për anëtarësim në BE, shkruan Euronews Serbia.

“Ne po punojmë gjithashtu për të ftuar të gjitha vendet anëtare të BE-së që nuk e kanë njohur Kosovën që ta kundërshtojnë çështjen nga aspekti i statusit – se nuk ka kushte për ta diskutuar atë,” theksoi ai.

Daçiç shtoi se Republika Çeke ka një rol në të gjithë këtë proces si vend që kryeson BE-në.

LEXONI GJITHASHTU

• Vuçiç: Më 15 dhjetor, kërkesë KFOR-it për dërgimin e 1 mijë trupave serbe në Kosovë
• Vuçiç-ndërkombëtarëve: Kosova nuk po respekton asnjë marrëveshje
• BE diskuton sot për tensionet në Kosovë, Borell: Palët t’i kthehen dialogut