Arben Vitia rikthehet ministër i Shëndetësisë në Kosovë

Kryeministri i Republikës së Kosovës, Albin Kurti, sot ka emëruar Arben Vitia, ministër të Shëndetësisë, të cilit i ka uruar suksese në plotësimin e detyrave dhe përgjegjësive të tij.

Vitia kishte dhënë dorëheqje nga pozita e ministrit të Shëndetësisë në tetor të vitit të kaluar për të marrë pjesë në zgjedhjet lokale për kryetar në Komunën e Prishtinës, garë të cilën e kishte humbur kundër kandidatit të Lidhjes Demokratike të Kosovës, Përparim Rama.

Vitia kishte shërbyer si ministër i Shëndetësisë edhe në Qeverinë Kurti 1 më 2020.

Pas dorëheqjes së tij, rreth një muaj më vonë, ministër i Shëndetësisë ishte emëruar Rifat Latifi. Por, ky i fundit dha dorëheqje më 6 tetor, gati një vit pas marrjes së detyrës.

Që nga atëherë, Kosova ishte me ushtruese detyre të ministres së Shëndetësisë, Dafina Gexha-Bunjaku.

LEXONI GJITHASHTU:

• “Detyrat janë të qarta”/ Vuçiç dërgon shefin e ushtrisë në kufirin me Kosovën
• Protestuesit serbë në Rudarë: Kurti, Kosova është e gjyshërve tanë