Protestuesit serbë në Rudarë: Kurti, Kosova është e gjyshërve tanë

Qytetarë serbë nga veriu dhe vende të ndryshme të Kosovës kanë nisur protestën në Rudarë, kundër deklaratave të kryeministrit Albin Kurti dhe ambasadorit gjerman në Kosovë, Jorn Rohde, në lidhje me barrikadat e vendosura në atë pjesë të vendit.

Përveç flamujve serbë dhe pankartave me mbishkrime të ndryshme, në protestë ishte shpalosur një parullë në serbisht me dimensone të mëdha në të cilën shkruhej ,”Kurti, Kosova nuk është e gjyshit tënd, është e gjyshërve tanë”.

Sipas protestuesve, Kurti ka bërë thirrje për vrasjen e serbëve në barrikada dhe zhdukjen e tyre, ndërsa ambasadori gjerman me deklaratat e tij, po e mbështet drejtpërdrejt dhe hapur kreun e qeverisë.

Më herët gjatë ditës së sotme, Presidenti i Serbisë, Aleksandër Vuçiç u është drejtuar me një mesazh serbëve të Kosovës.

Përmes një postimi në rrjetet sociale, Vuçiç është shprehur se do t’i mbështesë gjithmonë serbët në Kosovë dhe u bëri thirrje që ta ruajnë paqen, sepse paqja është në interesin më të madh të tyre dhe Serbisë.

LEXONI GJITHASHTU

• ‘Do t’ju mbështes gjithmonë’, Vuçiç mesazh serbëve para protestës në Veri
• Serbët në Veri protestojnë sot kundër deklaratave të Kurtit dhe ambasadorit gjerman
• Policia e Kosovës po heton rrëmbimin e serbëve në Veri