Serbët në Veri protestojnë sot kundër deklaratave të Kurtit dhe ambasadorit gjerman

I ashtuquajturi shtabi i krizës në veri të Kosovës, i formuar nga serbët lokalë, ka ftuar qytetarët në “protestën më të madhe ndonjëherë” që do të mbahet sot në Rudare të komunës së Zveçanit.

Përfaqësues të këtij shtabi kanë bërë të ditur se organizimi i kësaj proteste ka të bëjë me deklaratat e fundit rreth barrikadave nga ana e kryeministrit të Kosovës Albin Kurti, të cilat i konsiderojnë si kërcënim, si dhe të ambasadorit të Gjermanisë në Kosovë, Joern Rohde, shkruan Kosova Press.

Sipas tyre, Kurti ka bërë thirrje për vrasjen e serbëve në barrikada dhe zhdukjen e tyre, ndërsa ambasadori gjerman me deklaratat e tij, po e mbështet drejtpërdrejt dhe hapur kryeministrin Kurti.

Në këtë protestë pjesëmarrjen e kanë të detyrueshme të gjithë të punësuarit në institucionet të cilat funksionojnë sipas sistemit të Serbisë, nga mbarë Kosova, ndërsa janë ftuar edhe qytetarë nga qytetet e afërta të Serbisë, siç janë Rashka apo Novi Pazari.

LEXONI GJITHASHTU

• Policia e Kosovës po heton rrëmbimin e serbëve në Veri
• Vuçiç: Barrikadat do të largohen kur të krijohet Asociacioni
• Përplasjet në Veri, pasojë e veprimeve të pamatura të Kurtit e Vuçiç