Argjentina ka marrë fitoren e parë në Kupën e Botës pasi ka mundur 2-0 Meksikën në ndeshjen e dytë të Grupit C.
Një fitore e madhe nën shenjën e Leo Messi-t, i cili ka realizuar një gol dhe ka dhënë një asist.
Mesi gjeti korridorin e duhur mes mbrojtësve duke mposhtur Oçoan për të çliruar Argjentinën e cila më pas e kishte të lehtë të administronte lojën përballë meksikanëve.
Goli i Fernandez në fundin e sfidës bëri më të thjeshtë gjithçka dhe i dhuroi Argjentinës shansin e artë për të vazhduar më tej në këtë turne, edhe pse do t’i duhet që të blindojë vendin në ndeshjen e fundit ndaj Polonisë.
Me golin e shënuar sot, Leo ka kapur Diego Maradona-n për numrin e golave të shënuar në Botëror (tetë), me vetëm Gabriel Batistuta-n (10) që ka bërë më mirë për Argjentinën në Kupën e Botës.
LEXONI GJITHASHTU