Argjentina ka mposhtur Brazilin dhe ka siguruar biletën për kampionatin botëror. Skuadra e Skalonit renditet e para në grupin kualifikues me 31 pikë të grumbulluara.

Pa kapitenin Lionel Messi në fushë, ndaj një rivali si Brazili, por Argjentina di se si të fitojë pa ylli ne saj, sidomos një klasike të futbollit botëror. Mëngjesin e së mërkurës, albicelestët morën një fitore të jashtëzakonshme, duke mposhtur selesao në Buenos Aires përpara mbi 80 mijë spektatorëve. Një duel i jashtëzakonshëm, por të cilin kampionët në fuqi e zgjidhën që në pjesën e parë.

I përhershmi Julian Alvarez zhbllokoi shifrat duke kaluar në avantazh Argjentinën, e pas tij dyfishoi Fernandez. Cunha rihapi lojën, por Brazili nuk ishte në ditën e tij më të mirë, pasi brenda 45’ minutave të para do të pesonte sërish she ishte Mac Allister shënues. Në pjesën e dytë panorama ishte njësoj, skuadra që sulmojnë njëra-tjetrën, por ishte Simeone i ardhur si zëvendësues që vulosi fitoren 4-1.

3 pikë me vlerë kualifikimi, pasi Argjentina siguroi biletën për kampionatin botëror, aty ku ka petkun e kampionit në fuqi, e do të provojë të mbrojë trofeun. Skuadra e teknikut Scaloni numëron 31 pikë në krye të grupit kualifikues me 10 fitore, 1 barazim dhe 3 humbje. Dueli i radhës është ai ndaj Kilit, megjithëse tani pak vlerë kanë për Argjentinën 4 ndeshjet e mbetura.

LEXONI GJITHASHTU:

• Neymar rikthehet në kombëtaren e Brazilit, i gatshëm për Kolumbinë e Argjentinën
• Tifozi udhëton nga Argjentina në Spanjë, 11.609 km për të takuar Myrto Uzunin