Arifaj zbërthen Kurtin: Po kthehet në shinat e liderit pragmatist, s’ka rrugë tjetër

Analisti Ardian Arifaj tha në një intervistë për Euronews Albania se me ardhjen në pushtet Albin Kurti është bërë, i detyruar edhe nga presioni ndërkombëtar, lider pragmatik.

Sipas tij, Albin Kurti po tregon se nuk është më idealisti që drejtonte dikur Vetëvendosjen në opozitë, por është ui detyruar të pranojë realitetin.

“Albin Kurti dhe partia e tij nuk kishin përvojë me qeverisje të drejtpërdrejtë, është tjetër të jesh në opozitë, tjetër në pushtet. Në opozitë e ke luksin të flasësh pa mbajtur përgjegjësi për veprimet. Kur vjen në pushtet e sheh se nuk mjafton të duash të bësh mirë, që të ndryshosh gjërat sidomos për një shet të vogël si Kosova që ndodhet mes interesave të fuqive të mëdha. Kurti është duke reaguar në këtë mënyrë, është bërë pragmatik, jo idealisti që ka qenë, po pranon realitetin”, tha analisti.

LEXONI GJITHASHTU:

• Kurti pas takimeve në Tiranë: Çështjet që diskutova me krerët e politikës shqiptare
• Meta takon Kurtin: Mbështes qëndrimet e Prishtinës në procesin e dialogut me Serbinë