Arlind Qori shpalos programin e Lëvizjes Bashkë, ja shtyllat kryesore

Arlind Qori, kryetar i Lëvizjes ‘Bashkë’, parashtroi disa pika që përmban program i kësaj lëvizje. Ai tha se çdo gjë nis që nga krijimi i një shteti zhvillimor, duke vijuar me ngritjen e disa mekanizmave shtesë, e deri tek pensionet për vendosjen e minimumit jetik.

“Proprozojmë një shtet zhvillimor. Të vihen nën kontroll pasuritë e nëntokës. Të nxisim industrinë përpunuese dhe bujqësinë në Shqipëri, në mënyrë që bizneseve prodhuese tu japim lehtësira fiskale. Gjithashtu, synojmë ngritjen e disa mekanizmave të tjerë shtesë që kanë të bëjnë me politikat parandaluese ndaj korrupsionit. Mendojmë se duhet një ligj i posaçëm për financimin e partive, kjo sepse shohim se edhe në këto zgjedhje, partitë shpenzojnë në mënyrë të çmendur.

Më tej, taksimi efektiv do të jetë më i vogël për çdo pagë deri në 3 milionë lekë të vjetra, dhe pastaj do vazhdojë të rritet për pagat mbi 3 milionë lekë të vjetra. Kur vjen puna tek pensionet, ne kemi në program vendosjen e minimumit jetik që i llogaritur në kushtet e sotme, do duhej të ishte 21 mijë e 168 lekë të reja, pra pensioni minimal duhet të jetë 21 mijë e 168 lekë të reja.

Projeksioni ynë është që pensioni mesatar nga 18 mijë lekë të reja të shkojë tek 33 mijë lekë të reja”, tha Arlind Qori.

LEXONI GJITHASHTU:

• Berisha e akuzon për të dhënat, Shehaj: Ato ia dhashë unë kur mbeti pa gjë nga Basha
• “Do nxjerrim 1 miliard euro nga administrata”, Shehaj zbulon programin e ‘Mundësisë’