Armëpushimi Izrael-Hamas, pritet njoftimi nga Katari

Katari do të njoftojë “në orët e ardhshme” kur do të fillojë armëpushimi midis Izraelit dhe Hamasit, tha Ministria e Jashtme e Katarit të enjten në mëngjes me orën lokale.

Një burim diplomatik i tha CNN se armëpushimi ka të ngjarë të fillojë të premten në orët e para pas mesnate.

Më parë, pritej që armëpushimi të niste që të enjten.

Bisedimet se si të zbatohet marrëveshja e pengjeve midis Izraelit dhe Hamasit po vazhdojnë dhe po përparojnë pozitivisht, tha zëdhënësi i Ministrisë së Jashtme të Katarit, Majed Al Ansari në një deklaratë të postuar në X.

“Puna midis dy palëve dhe partnerëve tanë në Egjipt dhe SHBA është duke vazhduar për të siguruar zbatimin e shpejtë të armëpushimit dhe për të siguruar atë që është e nevojshme që të dyja palët t’i përmbahen marrëveshjes”, shtohet në deklaratë.

LEXONI GJITHASHTU:

• Sekretari i Jashtëm i Mbretërisë së Bashkuar zbarkon në Izrael për të takuar zyrtarë
• Izraeli thotë se lirimi i pengjeve në Gazë nuk do të fillojë para së premtes