Armëpushimi në Gaza ende larg, sulmet izraelite vrasin 52 persona

Të paktën 52 palestinezë janë vrarë në sulmet izraelite në të gjithë Rripin e Gazës, duke përfshirë 12 në një shkollë të qytetit të Gazës dhe nëntë në një zonë tregu të mbushur me njerëz në Deir el-Balah.

Ndërkohë Kryediplomati i Shteteve të Bashkuara, Antony Blinken, u bëri thirrje palëve të interesuara që të arrijnë marrëveshjen e armëpushimit të Gazës “përtej vijës së finishit tani”.

Ai e përfundoi turneun e tij në Lindjen e Mesme pa një marrëveshje midis Izraelit dhe Hamasit.

Të paktën 40,173 njerëz janë vrarë dhe 92,857 janë plagosur në luftën e Izraelit në Gaza . Rreth 1,139 njerëz u vranë në Izrael gjatë sulmeve të udhëhequra nga Hamasi më 7 tetor dhe më shumë se 200 u zunë robër.

LEXONI GJITHASHTU:

• OKB kërkon pauzë humanitare në Gaza, shkak fushata e vaksinimit ndaj poliomielitit
• Ambasada e SHBA: Aleatët morën një vendim të rëndësishëm për të mbrojtur Ukrainën