Arratisja nga zonat e pushtuara në Ukrainë, rrugëtimi i dhimbshëm i qytetarëve

Fundi i një udhëtimi të dhimbshëm dhe stresues nga pushtimi tek liria.

Shumë njerëz të zhvendosur mbërrijnë në selinë e një OJQ-je në qytetin ukrainas të Sumit. Udhëtimi me tren është segmenti i fundit i një rrugëtimi jashtë rajoneve të pushtuara të Ukrainës, që kalon përmes postblloqeve dhe zonave të pabanuara, deri në destinacion.

“Udhëtimi ishte i vështirë, sidomos për djalin tim. Ai ulej vazhdimisht në tokë teksa ecnim. Unë detyrohesha ta tërhiqja nga dora. Ai nuk kishte bërë kurrë një distancë kaq të gjatë”, thotë Lidia Martovytska, banore e rajonit të Luhanskut.

Qendra ofron strehim të përkohshëm dhe organizon udhëtime të tjera brenda Ukrainës. Drejtori i saj i është larguar pushtimit.

“Unë e di si ndihesh kur humbet shtëpinë, jetën që ke ndërtuar, kur bëhesh askush, pasi humb dhe statusin social. Njeriu humbet besimin tek çdo gjë”, shprehet Kateryna Arisoi, drejtoreshë e OJQ-së, “Pluriton”.

Në bazë të rregullave të Moskës, ukrainasit në zonat e pushtuara pritet të marrin nënshtetësi ruse brenda korrikut të ardhshëm. Qendra pret që qindra të tjerë të braktisin shtëpitë.

LEXONI GJITHASHTU:

• Rusia do të mbajë zgjedhje presidenciale në katër rajone të aneksuara në Ukrainë
• Britania do t’i japë Ukrainës dy anije gjuetie minash të Marinës Mbretërore