Në orët e vona të mbrëmjes së të enjtes është arratisur një i burgosur i dënuar me 20 vite burg për vrasje nga burgu më i madh në Maqedoninë e Veriut, Idrizovë.
Në lidhje me ngjarjen së fundi ka reaguar edhe Ministria e Punëve të Brendshme ku ka dhënë dhe disa detaje se si ka ndodhur arratisja.
Mësohet se i burgosuri është arratisur me një mjet tip ‘Audi’ pasi i ka marrë armën punonjësit të policisë dhe e ka plagosur.
“Punonjësit e policisë së burgjeve të cilët ndodheshin në një furgon “Ford Transit” të policisë së burgjeve kanë kërkuar ndihmë nga policët e SPB Shkup, pasi, sipas raportimit të tyre, gjatë shoqërimit të të dënuarit B.M nga INP “Idrizovë” në Qendrën Urgjente “Nënë Tereza”, në autostradë, i dënuari ia ka marrë armën shoferit I.H. (punonjës i policisë së burgjeve), ka qëlluar me armë zjarri dhe ka plagosur I.H. Më pas i dënuari është arratisur me një Audi”, thuhet në deklaratën e Ministrisë së Punëve të Brendshme.
Punonjësi i plagosur është dërguar në Qendrën Emergjente për të marrë ndihmën mjekësore.
Ndërkohë po merren masa për zbardhjen e ngjarjes.
LEXONI GJITHASHTU:
- Kurti: Takimet në Bruksel të mbaheshin çdo muaj, BE-SHBA t’i bëjnë trysni Beogradit
- U bashkua me PS-në Shkodër, vjen reagimi i parë nga Agron Çela
- U arrestua për abuzimin 1.2 mln euro, shtrohet në spital Arlind Gjokutaj
